Օրենքը խախտելու պարագայում անձը կտուգանվի 100.000 ՀՀ դրամի չափով:

Ձեռնարկությունները (բիզնեսները) պարտավոր են ունենալ POS-տերմինալներ և հաճախորդի պահանջով, անկախ գումարի չափից, ընդունել անկանխիկ վճարում: Հակառակ դեպքում, կտուգանվեն 300 հազար դրամի չափով: Հայաստանի բոլոր առևտրային կետերում, բացի կրպակներից, պետք է հնարավոր լինի իրականացնել անկանխիկ վճարում:

Անկանխիկ վճարումների դրական կողմերը

Յուրաքանչյուր քաղաքացի, ով ցանկանում է վճարել անկանխիկ եղանակով, պետք է ունենա այդ հնարավորությունը, իսկ յուրաքանչյուր ձեռնարկություն (բիզնես) ունենա այն իրականացնելու  բոլոր պայմանները:  օգուտները

• Կատարել հեշտ և արագ վճարումներ բանկային քարտերով կամ բանկային հավելվածների միջոցով (ընկերներին կամ ընտանիքի անդամներին գումարի փոխանցում, կոմունալների վճարում),
• բոնուսների և զեղչերի ստացում: Քարտով վճարելիս երբեմն տարբեր հաճելի բոնուսներ են տալիս։ Օրինակ՝ որոշ խանութներում և սուպերմարկետներում գնումներ կատարելուց կարող ես կուտակել միավորներ կամ ստանալ զեղչեր,
• ավելի լավ կառավարել գումարները: Օրինակ՝ քաղվածքների կամ հավելվածների միջոցով կարող ես տեսնել ամսական ծախսերը, հասկանալ՝ ինչ վրա ես ավելի շատ ծախսում, որ ծախսերը կարող ես կրճատել և այլն,
•  ձևավորել լավ վարկային պատմություն, դիմել վարկային գծի համար:

Արդյոք անկանխիկ վճարելով՝ սպառողն ավելի բարձր գին չի՞ վճարելու, քան կանխիկի դեպքում

Անկանխիկ գործարքի դեպքում քաղաքացին վճարելու է նույն գինը, ինչ կանխիկի դեպքում:

Հնարավոր է՝ որոշ բիզնեսներ փորձեն բարձրացնել ապրանքների գները: Չարաշահումներ նկատելու դեպքում պետք է դիմել գների կարգավորմամբ զբաղվող պետական մարմին՝ Մրցակցության պաշտպանության հանձնաժողով:

Որո՞նք են անկանխիկ վճարումների առավելությունները

Անկանխիկ վճարումները իրականացվում են քարտերի, բանկային և այլ վճարային հավելվածների միջոցով: Նրանք հեշտացնում են աշխատանքը, խնայում ժամանակը, ապահովում գումարների անվտանգությունը:

Վճարումները կատարվում են առանց կանխիկ փողի օգտագործման։ Այսինքն՝ դուք վճարում եք քարտով կամ պարզապես ձեր բանկային հաշվից գումարը փոխանցում եք անհրաժեշտ հաշվի վրա` առանց բանկ այցելելու։

Վճարման նման միջոցն ամենահարմարներից է, քանի որ կատարվում է արագ, աշխարհի ցանկացած կետից` առանց բանկ այցելելու:

Ռուզաննան արդեն ունի վճարային քարտ, նա հեշտությամբ է վճարում իր գնված ապրանքների համար սուպերմարկետներում և այլ առևտրային կետերում: Բանկային հավելվածի միջոցով փող է փոխանցում իր ընտանիքի անդամներին և կատարում կոմունալ վճարումներ:

Ի՞նչպես ձեռք բերել վճարային քարտ 

•   Մուտք եք գործում Fininfo.am կայք, ընտրում վճարային քարտ, մուտքագրում ձեզ հարմար արժույթն ու ընտրում բանկը, որի վճարային քարտի պայմաններն ամենաձեռնտուն են ձեզ,
• մոտենում եք բանկի աշխատակցին, մեկ անգամ էլ ծանոթանում քարտի պայմաններին (որքան է սպասարկման վճարը, արդյոք կա վարկային գծի հնարավորություն և այլն),
• կնքում պայմանագիր և 3-5 աշխատանքային օրվա ընթացքում ստանում քարտը (լրացուցիչ վճարի դիմաց կարող է ավելի արագ տրամադրվել),
• բանկոմատի միջոցով ընտրում ու մուտքգրում հարմար փին կոդ։

Բանկի հավելվածով քարտ պատվիրելու համար 

• ներբեռնում եք բանկի հավելվածը,
• անցնում եք նույնականացում (այցելելով բանկ կամ վիդեո զանգի միջոցով),
• առցանց պատվիրում եք քարտը,
• ընտրում եք քարտի ստացման եղանակը (ստանալ բանկից, առաքիչի միջոցով)։