ՀՀ կենտրոնական բանկը ֆինանսական համակարգի այլ կառույցների և կազմակերպությունների հետ համատեղ 4-րդ անգամ իրականացնում է «Իմ ֆինանսների ամիս» ծրագիրը: Ծրագրի նպատակն է բնակչության շրջանում բարձրացնել անձնական ֆինանսների կառավարման հարցի կարևորությունը:
Այս տարի ծրագիրը իրականացվելու է ապրիլ-մայիս ամիսների ընթացքում և ներառելու է հետևյալ միջոցառումները՝

• Ավտոբուսով Ֆինանսական շրջագայություն,
• Ֆինանսական թեմաներով բանավեճերի մրցաշար,
• Սեմինարներ տարբեր թիրախային խմբերի համար,
• Ֆինանսական թեմաներով տարբեր մրցույթներ,
• ՀՀ ԿԲ միջհամալսարանական ինտելեկտուալ առաջնություն,
• Ֆինանսական թեմաներով ակումբային քննարկումներ,
• Փողի միջազգային շաբաթ, 
• Սեմինարներ Դիլիջանում, 
• «Բրեյն ռինգ» ֆինանսատնտեսագիտական խաղ-մրցույթ դպրոցականների համար և այլն:

Ծրագրի շրջանակում ակտիվ և պատրաստակամ կամավորները պետք է աջակցեն ՀՀ կենտրոնական բանկի աշխատակիցներին «Իմ ֆինանսների ամիս» ծրագրի շրջանակում կազմակերպվող առանձին միջոցառումների կազմակերպման և լուսաբանման գործում:

• Հաղորդակցության և խնդիրների լուծման հմտություններ,
• Word, Excel, Power Point ծրագրերի տիրապետում,
• Ծրագրերի կազմակերպման, լուսանկարչության կամ լրագրության ոլորտում հմտություններ,
• Կամավորական փորձը կդիտվի որպես առավելություն: