Ով ենք մենք

Մենք ստեղծվել ենք ՀՀ կենտրոնական բանկի  կողմից որպես ֆինանսական գիտելիքների և հմտությունների ուժեղացման հանրամատչելի ուղի:

Մեր նպատակը

Օգնել յուրաքանչյուրին ստանալու պարզ, անաչառ և վստահելի տեղեկատվություն և կայացնելու անձնական ֆինանսների վերաբերյալ հիմնավոր և արդյունավետ որոշումներ, լինելու իրազեկ ֆինանսական ոլորտում և պաշտպանելու սեփական իրավունքները:

Մեր սկզբունքները

• Անկողմնակալություն. Մենք անվճար տրամադրում ենք կրթական, ուսուցողական և ինֆորմացիոն բնույթի անկախ տեղեկատվություն, որը չի արտացոլում այլ անձանց կամ կազմակերպությունների շահերը:

• Ներգրավվածություն. Մենք ապահովում ենք հանրության համընդհանուր ներգրավվածությունը՝ տրամադրելով բոլորին հասանելի տեղեկատվություն: Միևնույն ժամանակ դրսևորում ենք անհատական մոտեցում՝ հնարավորություն տալով յուրաքանչյուրին կայքում ստեղծել անհատական էջ:

• Ինտերակտիվություն. Մենք ներդրել ենք մեր լավագույն ջանքը և ստեղծել ենք ժամանակակից միտումներին համապատասխան դինամիկ կայք, որտեղ յուրաքանչյուրը կարող է հեշտությամբ գտնել ինչպես իրեն պիտանի նյութեր, այնպես էլ օգտվել ֆինանսական տարբեր հաշվիչներից, գործիքներից և խաղերից:

Մեր կարգախոսը

Ֆինանսներ Բոլորի Համար

Մեր տարբերանշանը

Տարբերանշանի խորհուրդը արտացոլվում է ինչպես ընտրված գույների, այնպես էլ երկրաչափական պատկերների միջոցով: Գունային զանազանությունն արտացոլում է մեր թիրախային խմբերի բազմազանությունը և Abcfinance.am բրենդի էությունը բնութագրող արժեքները:Տարբերանշանի հիմքը կլորացված եզրերով երեք ուղղանկյուններ են, որոնք բնորոշում են կրթական և տեղեկատվական նյութերի անկողմնակալությունը:

Ուղղանկյուններից յուրաքանչյուրում արտացոլվում են եռանկյունաձև գունային երանգներ, որոնք թարմություն և ժամանակակից ոճ են հաղորդում տարբերանշանին՝ ընդգծելով մեր միջոցառումների ինտերակտիվությունը:Երեք ուղղանկյունները միասին խորհրդանշում են ԱՅԲ ԲԵՆ ԳԻՄ եռյակի ուժն ու արտացոլում են Abcfinance.am բրենդի անունը: