ԻՆՉ Է ԲԱՆԿԱՅԻՆ ՀԱՇԻՎԸՁեր և բանկի միջև հարաբերությունների սկիզբը հիմնականում դրվում է ձեր կողմից բանկում բանկային հաշվի բացմամբ: 

Դա հնարավորություն է տալիս ապահով պահելու դրամական միջոցները, կատարելու ընթացիկ, ամենօրյա փողային գործառնություններ և հետևելու դրանց փոփոխություններին՝ եկամուտների մուտքերին և ծախսերին: Բանկային հաշվում ձեր փողը պահվում է ոչ թե կանխիկ` թղթադրամների ու մետաղադրամների տեսքով, այլ անկանխիկ, ուստի և փոքր է հավանականությունը, որ ձեր գումարը կարող եք կորցնել կամ կգողանան այն:Բանկային հաշվի դեպքում բանկը պարտավորվում է ընդունել և բանկում բացված ձեր բանկային հաշվին վրա մուտքագրել ձեր և այլ անձանց կողմից մուտքագրվող դրամական միջոցները, իրականացնել հաշվից փոխանցումներ կատարելու, համապատասխան գումարներ տալու և այլ գործարքների վերաբերյալ ձեր հանձնարարականները:

 ԻՆՉՈՒ ԲԱՑԵԼ ԲԱՆԿԱՅԻՆ ՀԱՇԻՎԲանկային հաշիվը ձեր դրամական միջոցները կառավարելու բավականին հարմար միջոց է, որն ապահովում է՝

• Դրամական միջոցների անվտանգությունը. բանկերը ձեր դրամական միջոցները պահելու ապահով վայր է, հատկապես եթե երկար ժամանակ դրանք չեն օգտագործվում:
• Ձեր դրամական միջոցների շարժի կառավարումը. բանկային հաշիվ ունենալու դեպքում դուք բանկից կստանաք ամսական քաղվածք, որտեղ արտացոլված կլինեն ձեր դրամական միջոցների մուտքերը և ելքերը: Դա ձեզ հնարավորություն կտա ունենալու ձեր դրամական միջոցների շարժի ճշգրիտ պատկերը, հետևաբար՝ կօգնի սեփական բյուջեի ճծշգրիտ պլանավորմանը: 
• Դրամական միջոցների մշտական հասանելիությունը. ցանկացած ժամանակ կարող եք դիմել բանկ և վերցնել ձեր գումարն ամբողջությամբ կամ մասնակիորեն կամ կանխիկացնել բանկոմատների միջոցով:
• Տոկոսային եկամուտ. շատ բանկեր հաշվում առկա դրամական միջոցների դիմաց պատրաստ են վճարելու տոկոսագումարներ:ՈՐՈՆՔ ԵՆ ԲԱՆԿԱՅԻՆ ՀԱՇԻՎՆԵՐԻ ՀՆԱՐԱՎՈՐՈՒԹՅՈՒՆՆԵՐԸ

Բանկային հաշիվը ընթացիկ դրամական միջոցները եկամուտներ ու ծախսեր
կառավարելու հարմար գործիք է: Այն հնարավորություն է տալիս`

• Հանձնարարել բանկին կատարելու կոմունալ կամ այլ պարբերական վճարումներ ձեր հաշվից, ձեր իսկ սահմանած չափերով` չանհանգստանալով վճարումներն ուշացնելու մասին: 
• Ստանալ դրամական փոխանցումներ բարեկամներից, ծանոթներից, գործընկերներից կամ էլ կատարել փոխանցումներ նրանց` վստահ լինելով, որ գումարը ժամանակին ու ապահով կհասնի հասցեատիրոջը:
• Ստանալ դրամական միջոցներն անկանխիկ, օրինակ` աշխատավարձի կամ այլ եկամուտների փոխանցում բանկային հաշվին:
• Բանկային հաշվի միջոցները վերածել կանխիկի միայն անհրաժեշտության դեպքում՝ դրանք վճարային քարտի միջոցով ստանալով բանկոմատից կամ բանկից` ներկայացնելով անհրաժեշտ փաստաթղթերը: 
•  Խնայել բանկ այցելելու ձեր ժամանակը. շատ բանկեր հնարավորություն են տալիս խնայելու բանկ այցելելու ձեր ժամանակը` թույլ տալով կատարել ձեր հաշվի հեռակա կառավարում, այսինքն` կատարել վճարումներ, փոխանցումներ հեռախոսի, համացանցի կամ հաղորդակցության այլ միջոցների օգնությամբ:
• Oգտագործել հաշվի միջոցները նաև երկրի սահմաններից դուրս գտնվելու դեպքում՝ օգտվելով բանկային հաշվի ընձեռած որոշ հնարավորություններից, եթե օրինակ՝ վճարային քարտ կցեք ձեր հաշվին կամ օգտվեք բանկային          հաշվի հեռակա կառավարման հնարավորությունից:

ՈՐՏԵՂ եվ ԻՆՉՊԵՍ ԿԱՐԵԼԻ Է ԲԱՑԵԼ ԲԱՆԿԱՅԻՆ ՀԱՇԻՎՀայաստանում բանկային հաշիվ հնարավոր է բացել միայն բանկերում:Եթե արդեն որոշել եք, թե որ բանկում եք ցանկանում բացել հաշիվ, ապա պետք է՝1. Այցելեք բանկ
2. Լրացնեք հաշվի բացման համար նախատեսված դիմումը
3. Կնքեք բանկային հաշվի պայմանագիր:

Մինչև պայմանագիր կնքելը ուշադիր և մանրամասն կարդացեք պայմանագրում նշված բոլոր կետերը:Բանկային հաշվի պայմանագիրը կնքելիս ձեզ համար բանկում բացվում է բանկային հաշիվ: Դուք կարող եք բացել ինչպես ՀՀ դրամով, այնպես էլ արտարժութային (օր.՝ ԱՄՆ դոլար, եվրո) բանկային հաշիվ: Քարտային հաշիվը ընթացիկ բանկային հաշվի տեսակ է, որին կցվում է վճարային քարտ։ Վճարային քարտերի մասին առավել մանրամասն կարող եք կարդալ քարտ բաժնում:Ձեզ կհետաքրքրի նաև

1. Ինչպես կատարել փոխանցումներ բանկային հաշվի միջոցով
2. Ինչ օգուտներ ունի ավանդը
3. Ինչպես ներդնել ավանդ
4. Որտեղից և ինչպես վերցնել վճարային քարտ