Կատակերգական ժանրի ֆիլմը նախատեսված էր 6-ից բարձր տարիքային խմբի երեխաների համար և հետապնդում էր դաստիարակչական-ուսուցողական նպատակներ:

Գեղարվեստական ֆիլմն առայժմ ներկայացվում է միայն կինոէկրաններին, և այդ հանգամանքից ելնելով՝ Հայբիզնեսբանկը որոշել է հանդես գալ մի նախաձեռնությամբ, որը հնարավորություն կտա երեխաներին անվճար դիտել ֆիլմը՝ ետ չմնալով մշակութային կյանքի անցուդարձից և միաժամանակ անցկացնելով օգտակար ու հետաքրքիր ժամանց:

Կինոդիտումներ են կազմակերպվել Երևանի երեխաների խնամքի ու պաշտպանության թիվ 1 և թիվ 2 գիշերօթիկ հաստատություների, ինչպես նաև «ՕՐՐԱՆ» բարեգործական հասարակական կազմակերպության երեխաների համար, որի ընթացքում երեխաներն առիթ ունեցան շփվելու «Ճամբարում» ֆիլմում նկարահանված հին ու նոր սերունդների սիրված դերասանների՝ Ռուբեն Կարապետյանի, Արթուր Հակոբյանի, Գագիկ Մադոյանի, կրտսեր Սոֆի Դևոյանի, Արման Մխիթարյանի, Էմիլ Կիրակոսյանի և այլոց հետ:

Հայբիզնեսբանկը օրերս ցուցադրել է նաեւ իր կողմից պատրաստված ՙԲանկը՝ երեխաների աչքերով՚ տեսաֆիլմը և Հայաստանի Հանրապետության Կենտրոնական բանկի կողմից պատրաստված ՙԳնաճի հրեշը՚ ուսուցողական կարճամետրաժ մուլտֆիլմը, որն ուղղված է ֆինանսական գիտելիքների ձևավորմանն ու զարգացմանը: Հայբիզնեսբանկն այս ձևաչափով փորձում է հնարավորին չափով երեխաների տարբեր խմբերին ներգրավել այնպիսի միջոցառումներում, որոնք ունեն ուսուցողական, դաստիարակչական և սոցիալական օգտակարություն:

Հրապարակումից օգտվելու դեպքում հղումը սկզբնաղբյուրին պարտադիր է: