Այսօր՝ նոյեմբերի 4-ին, ժամը 14:30-ին, «Էլիտ Պլազա» բիզնես կենտրոնում տեղի կունենա հոկտեմբերի 1-31-ն անցկացվող «Իմ ֆինանսների միամսյակ» ծրագրի փակման արարողությունը:

ՀՀ կենտրոնական բանկի նախաձեռնությամբ արդեն 2-րդ տարին հոկտեմբերը Հայաստանում հայտարարվում է անձնական ֆինանսների կառավարման ամիս: Միամսյակի ընթացքում անցկացվող միջոցառումներով Կենտրոնական բանկը նպատակ ունի հանրության շրջանում բարձրացնել անձնական ֆինանսների կառավարման կարեւորությունը, մարդկանց ծանոթացնել ֆինանսական գործիքներին եւ ծառայություններին:

Փակմանը հրավիրված են միամսյակի աջակիցները, հյուրեր տարբեր ֆինանսական կազմակերպություններից, ժյուրիի անդամներ, զանազան միջոցառումների եւ մրցույթների հաղթողներ ու մասնակիցներ:

Ծրագրի պատասխանատուները կամփոփեն միամսյակի արդյունքները: Լավագույն լուսանկարների ու տեսահոլովակների հեղինակներին կտրվեն դրամական պարգեւներ, շարադրության, ձեռքով նկարած դրամների մրցույթի հաղթողներին՝ գրենական պիտույքների տեսքով նվերներ, իսկ բանավեճերի մրցաշարի հաղթողները եւ լավագույն ֆինանսական երազանքների հեղինակները կստանան հուշադրամներ:

Փակման արարողության մանրամասները կներկայացնենք շուտով:

Հրապարակումից օգտվելու դեպքում հղումը սկզբնաղբյուրին պարտադիր է:

Հեռ/ֆաքս՝ 010 56 37 61 կամ 010 592 697, 010 592 698 

Էլ-փոստ՝