Այս թեմաներին է անդրադառնում ուսումնական մշակված բովանդակությունը, ուսուցիչներին եւ աշակերտներին փոխանցվող կրթական նյութերը, որոնց մեջ ներառվում են.

   2020 թվականին վերապատրաստումները կազմակերպվում են առցանց եղանակով՝ COVID19 համավարակով պայմանավորված։ ՀՀ ԿԳՄՍ նախարարության որոշմամբ վերապատրաստումներն այս տարի իրականացնում է «Խաչատուր Աբովյանի անվան հայկական պետական մանկավարժական համալսարանը», որն էլ ստեղծել է վերապատրաստումների առցանց հարթակ։    
      Առարկայական, ֆինանսական եւ կրթական փորձագետներից, ուսուցիչներից, հոգեբանից բաղկացած աշխատանքային խումբը մեթոդական եւ ֆինանսական դասընթացավարներին նախապես փոխանցել է առցանց դասընթացներ վարելու ունակություններ, գործիքակազմ, թարմացրել նրանց հմտությունները։
      Մեթոդական եւ ֆինանսական դասընթավարների վերապատրաստման դասընթացը հաջողությամբ ավարտած 49 առարկայական եւ 19 ֆինանսական թրեյներներն իրականացնում են ֆինանսական կրթում դասավանդող դպրոցների ուսուցիչների առցանց վերապատրաստումներ Հայաստանի բոլոր մարզերում:

      Ծրագիրը հանրակրթական դպրոցներ մուտք գործեց 2017 թվականին՝ ծրագրի փորձարկման նպատակով։ Չորս առարկաների («Ես եւ շրջակա աշխարհը», «Մաթեմատիկա», «Հասարակագիտություն» եւ «Հանրահաշիվ») 2-րդից 11-րդ դասարանի աշակարտները այդ առարկաներում ինտեգրված եղանակով սկսեցին ձեռք բերել ֆինանսական ունակություններ։ Փորձարկումը հաջողությամբ ավարտելուց հետո ծրագիրն ընդլայնվեց՝ ամեն տարի ընդգրկելով շուրջ 350 նոր դպրոցների 2400 ուսուցիչներ։
       Այս տարի վերապատրաստված բոլոր ուսուցիչների թիվը հասավ 7051-ի՝ ներկայացնելով ՀՀ դպրոցների շուրջ 2/3-ը։ Արդյունքում անձնական ֆինանսների կառավարման բաղադրիչն ուսումնասիրում են հանրապետության աշակերտների շուրջ 70%-ը։

      Ուսուցիչների վերապատրաստումն իրականացվում է 2 փուլերով՝ օգոստոս ամսին եւ աշնանային արձակուրդների շրջանում։ Դասվարները եւ մաթեմատիկները վերապատրաստվում են 5 օր, իսկ հասարակագետները՝ 6 օր, քանզի նրանք մեկ հավելյալ օր հատկացնում են «Խնայողությունների խաղի» մասով վերապատրաստանը։       «Խնայողությունների խաղը» ՀՀ ԿԳՄՍ նախարության հրամանով հաստատված ուսումնական նյութ է, որը 14-ից բարձր տարիքի պատանիներին եւ չափահասներին հնարավորություն է տալիս գործնականում դիտարկելու իրենց գիտելիքները, ըստ իրավիճակների կայացնելու ֆինանսական որոշումներ։ Խաղը դպրոցներում պարտադիր ուսումնական նյութ դարձավ 2019 թվականին, այդ պատճառով 2018 թվականին վերապատրաստված 266 հասարակագետներ «Խնայողությունների խաղ»-ի մասով վերապատրաստվեցին 2020 թվականին։ 2020 թվականի ավարտին «Խնայողությունների խաղ» կկարողանան անցկացնել շուրջ 900 հասարակագետներ։

      «Ֆինանսական կրթությունը դպրոցում» ծրագիրը մեկնարկել է ՀՀ-ում ֆինանսական կրթման ազգային ռազմավարության ներքո 2015 թվականին՝ ՀՀ կրթության, գիտության, մշակույթի եւ սպորտի նախարարության և ՀՀ կենտրոնական բանկի համագործակցությամբ։
      Ծրագիրն ունի բազմաթիվ աջակից եւ համագործակից կազմակերպություններ, որոնցից են Խնայողական բանկերի միջազգային համագործակցության միավորման հայաստանյան ներկայացուցչությունը, «Հայաստանի պատանեկան նվաճումներ» հասարակական կազմակերպությունը եւ այլն։
       Ծրագրի նպատակն է սովորողների շրջանում ձևավորել անհրաժեշտ նվազագույն ֆինանսական գիտելիք, հմտություններ և վերաբերմունք՝ խթանելով պատասխանատու ֆինանսական որոշումների կայացմանը: Արդյունքում, մեր աշակերտներն ուսումն ավարտելուց հետո կկարողանան անձնական ֆինանսների հետ կապված ինքնուրույն և արդյունավետ որոշումներ կայացնել։