Նոյեմբերի 12-ին մեկնարկել է Կենտրոնական բանկի Այցելուների կենտրոնում Երևանի ավագ դպրոցների «Հասարակագիտություն» առարկայի «Տնտեսագիտություն» բաղադրիչը դասավանդող 25 ուսուցիչների համար կազմակերպված վերապատրաստման հերթական հնգօրյա դասընթացը:

Ողջունելով դասընթացի մասնակիցներին, ԿԲ խորհրդի անդամ Օլեգ Աղասյանը նշել է, որ Կենտրոնական բանկը կարևորում է ֆինանսական կրթությանը դերը և միջոցառումներ իրականացնում այն հնարավորինս հասանելի դարձնելու համար: Այդ գործընթացի բաղկացուցիչ մասը ավագ դպրոցների ուսուցիչների վերապատրաստման ծրագրերն են:

Վերապատրաստման ծրագրում ներառված են «Տնտեսագիտության առարկան և նրա խնդիրները», «Շուկայական տնտեսություն, արժեք և փող», «Պահանջարկի և առաջարկի տեսությունը», «Արտադրության գործոնները և գործոնային եկամուտները», «Բանկերի էությունը, արժեթղթեր», «Տնտեսության պետական կարգավորումը», «Պետության սոցիալական քաղաքականությունը», և «Միջազգային տնտեսական հարաբերությունները» թեմաներով դասընթացներ: Թեմաները դասավանդելու են Կենտրոնական բանկի դրամավարկային քաղաքականության, տնտեսական հետազոտությունների, ֆինանսական համակարգի կայունության և զարգացման, վիճակագրության վարչությունների աշխատակիցները:

          Դասընթացի վերջում մասնակիցներին հանձնվելու են հավաստագրեր: