Ավարտվել է 2014 թվականի՝ ֆինանսական կրթմանն ուղղված «ՖԼԱՅ» ծրագիրը, որի հիմնական նպատակն է դպրոցներում և համալսարաններում ֆինանսներ և տնտեսագիտություն չուսումնասիրող աշակերտներին և երիտասարդներին ընդգրկել անձնական ֆինանսների ճիշտ կառավարմանն ուղղված դասընթացներում:

ՀՀ կենտրոնական բանկի և «ԱՅՍԵԿ» միջազգային ուսանողական կազմակերպության կողմից կազմակերպվող ծրագիրն իրականացվում է 2-րդ անգամ և այս տարի 2 ամիսների ընթացքում ծրագիրն ընդգրկել է 8 համալսարան և 8 դպրոց  (շուրջ 350 աշակերտ ու ուսանող) ՀՀ 4 մարզերում.

Շիրակի մարզ

• Գյումրու Մ. Նալբանդյանի անվան Պետական Մանկավարժական Ինստիտուտ,
• «Հայբուսակ» համալսարանի «Շիրակացի» մասնաճյուղ,
• Գյումրու ակադեմիական վարժարան,
• Գյումրու թիվ 1 ավագ դպրոց:

Սյունիքի մարզ

• Գորիսի Պետական Համալսարան,
• Գորիսի պետական քոլեջ,
• Գորիսի Ակսել Բակունցի անվան թիվ 1 ավագ դպրոց,
• Գորիսի թիվ 4 ավագ դպրոց:

Լոռու Մարզ

• Վանաձորի Հովհ. Թումանյանի անվան Պետական Մանկավարժական Ինստիտուտ,
• Եվրոպական կրթական տարածաշրջանային ակադեմիայի (ԵԿՏԱ) Վանաձորի մասնաճյուղ,
• Վանաձորի թիվ 11 ավագ դպրոց,
• Վանաձորի թիվ 5 ավագ դպրոց:

Տավուշի Մարզ

• Դիլիջանի Պետական Բժշկական քոլեջ,
• ԵԳՊԱ (Երևանի Գեղարվեստի Պետական Ակադեմիա) Դիլիջանի մասնաճյուղ,
• Դիլիջանի թիվ 2 դպրոց,
• Դիլիջանի թիվ 1 ավագ դպրոց:

Բոլոր մասնակիցները պարգևատրվեցին վկայականներով՝ տրված ՀՀ կենտրոնական բանկի և «ԱՅՍԵԿ» կազմակերպության կողմից:

Շնորհավորում ենք և΄ կազմակերպիչներին, և΄ մասնակիցներին, ակնկալում ստացած գիտելիքների գործնականում արդյունավետ կիրառում:

Հաղորդագրությունից օգտվելու դեպքում հղումը սկզբնաղբյուրին պարտադիր է:

հեռ/ֆաքս. 010 56 37 61 կամ 010 592 697, 010 592 698 

էլ-փոստ.