Ում համար է

Եթե դու list.am-ում վաճառող ես, ապա շատ հավանական է, որ այս խարդախության սխեմայի զոհը կարող ես դառնալ:

Ոնց է դա տեղի ունենում

Խարդախը տեսնում է list.am-ով վաճառվող ապրանք, կապվում վաճառողի հետ, ասում, որ ուզում է գնել, բայց տարածքում չի։

- Ներեցեք, ցանկանում եմ գնել այդ սարքը, բայց Գյումրիում եմ։ Խնդրում եմ Դուք փոստով ապրանքը ուղարկեք, ես էլ դրա գումարը կփոխանցեմ Ձեր քարտի վրա:
- Իհարկե, ոչ մի խնդիր։
- Այդ դեպքում լինք ուղարկեմ, լրացրեք Ձեր քարտի տվյալները, որ գումարը փոխանցեմ։
- Սիրով։

Ապրանքը վաճառողը սեղմում է լինքի վրա և մտնում կայքը, որը պահանջում է քարտի տվյալներ։

Վաճառողը, չմտածելով խարդախության մասին, մուտքագրում է քարտի տվյալները, այդ թվում նշում է, որքան գումար կա քարտի վրա, քարտի վրայի թվերը, CVV կոդը:

Սեղմելով «Հաստատել»՝ կորցնում ամբողջ գումարը, իսկ կայքը վայրկյաններ անց չկա, խարդախն էլ հետը։

Ինչ անել եթե արդեն խարդախության զոհ ես դարձել

• Դիմիր ոստիկանություն,
• Դիմիր բանկ և բլոկավորիր քարտը: 

Զգոն Եղեք։ Օնլայն առևտուր կատարելիս օգտվեք միայն վստահելի և անվտանգ կայքերից:

Ոչ մի վստահելի կայք ձեզնից չի պահանջի գրել թե որքան գումար ունեք Ձեր քարտի վրա: