Մեկնարկեց Փողի միջազգային շաբաթը

Այսօր «Մխիթար Սեբաստացի» կրթահամալիրում մեկնարկեց Փողի միջազգային շաբաթ/Global Money Week միջոցառումների շարքը, որոնք հետագայում կշարունակվեն «Տնտեսական միամսյակ» ուսումնական ստուգատեսի շրջանակում:

ՀՀ կենտրոնական բանկի սպառողների շահերի պաշտպանության և ֆինանսական կրթման կենտրոնի մասնագետները վարեցին սեմինար՝ «Ինչու՞ դառնալ տնտեսագետ, ՀՀ տնտեսությունն այսօր» թեմայով:

Մեր ապագա տնտեսագետներն առաջին քայլերն են սկսում տնտեսագիտության մեծ աշխարհում: Նրանց ուշադրությունը, ընդգրկվածությունը և ոգևորությունը խոստումնալից էին: Սեմինարին մասնակցած երեխաները խոստացան տերը լինել մեր երկրի տնտեսության զարգացմանը՝ իրենց լավ կրթության և ջանքերի շնորհիվ:

Ծրագրի մանրամասները կարող եք կարդալ այս հղումով՝ https://www.abcfinance.am/pages.php?al=news&pid=1&id=748&act=more&lang=am: