Հայաստանում գործում են շուրջ 20-ից ավելի բանկեր և տասնյակ վարկային կազմակերպություններ, որոնցից յուրաքանչյուրը Ձեզ յուրովի էին մատուցում սպառողական վարկերի պայմանների մասին տեղեկատվությունը: Մասնագիտական բարդ տերմինները, փաստաթղթերի անվերջ էջերը և գործընթացի ժամանակատարությունը երբեմն կարող էին խճճել Ձեզ և խանգարել կողմնորոշվել, թե որ վարկն է Ձեզ համար ավելի նպատակահարմար:
Որպես խնդրի լուծում Կենտրոնական բանկը Ձեզ համար ստեղծեց ԸՆԴՀԱՆՐԱԿԱՆ ԹԵՐԹԻԿԸ՝ ընդամենը 1 թերթից բաղկացած փաստաթուղթը: Այժմ ստանալով միանման ընդհանրական թերթիկներ՝ հեշտությամբ համեմատե՛ք վարկի տրամադրման պայմանները և ընտրե՛ք Ձեզ առավել հարմար սպառողական վարկը:
Ի դեպ, յուրաքանչյուր բանկ կամ վարկային կազմակերպություն պարտավոր է տրամադրել Ձեզ հետաքրքրող սպառողական վարկի ընդհանրական թերթիկը:
ՀՀ կենտրոնական բանկի ֆինանսական կրթման թիմը ողջունում է կրթական ծրագրերին աջակից դառնալու ձեր ցանկությունը: Մենք արժևորում ենք ձեր տաղանդն ու ժամանակը և ուրախ կլինենք տեսնել ձեզ մեր կամավորների շարքում։
CALL_VOLUNTEERS
ENTER_MY_PAGE