2023 թվականի մայիսի 14-ին ուժի մեջ կմտնի արտարժույթով իրականացվող գործարքների մասին օրենսդրական փոփոխությունը: Ըստ վերջինիս՝ ինչպես սպառողական վարկերը, այնպես հիպոտեկային վարկերը կտրամադրվեն միայն ՀՀ դրամով:

Առկա են որոշ բացառություններ:

• Եթե հիպոտեկային վարկերը տրվում են ՀՀ ոչ ռեզիդենտ անձանց, ապա կարող են տրամադրվել նաև արտարժույթով: Սակայն եթե առկա է ՀՀ ռեզիդենտ համավարկառու, ապա վարկը կտրամադրվի բացառապես ՀՀ դրամով, 
• գյուղատնտեսական, գերփոքր առևտրային կազմակերպություններին կամ անհատ ձեռնարկատերին մինչև 5 000 000 ՀՀ դրամ տրվող վարկերը նույնպես համարվում են սպառողական վարկեր, սակայն կարող են տրամադրվել ինչպես ՀՀ դրամով այնպես էլ արտարժույթով:  

Այս փոփոխությունը տարածվում է միայն այն պայմանագրերի վրա, որոնք կնքվելու են  2023 թվականի մայիսի 14-ից հետո: