Այսօր՝ հոկտեմբերի 31-ին, Հայաստանի պետական մանկավարժական համալսարանում կայացավ միջհամալսարանական բանավեճերի եզրափակիչ խաղը, որի արդյունքում հաղթող ճանաչվեց Հայաստանի պետական տնտեսագիտական համալսարանի թիմը, որը մրցում էր Հայ-ռուսական (Սլավոնական) համալսարանի թիմի հետ:

Առաջին փուլի արդյունքում հաղթող էին ճանաչվել Հայաստանի պետական տնտեսագիտական համալասարանի, Հայ-ռուսական (սլավոնական) համալսարանի, Հայկական պետական մանկավարժական համալսարանի թիմերը:

Միջհամալսարանական բանավեճերի մրցաշարը, որը «Իմ ֆինանսների միամսյակ» ծրագրի շրջանակում անցկացվում էր առաջին տարին, նպատակ ուներ երիտասարդների շրջանում ավելացնել ֆինանսական տարաբնույթ թեմաների վերաբերյալ գիտելիքները, ինչպես նաև բանավիճային քննարկումների միջոցով նրանց մոտ զարգացնել նույն ֆինանսական խնդրին տարբեր տեսանկյուններից դիտարկելու ունակությունը: Մրցաշարերի ընթացքում քննարկվել են անձնական ֆինանսների կառավարման հետ կապված այնպիսի թեմաներ, ինչպիսիք են` վարկ վերցնելը, խնայողություններ կատարելը և այլն:

Մրցաշարին մասնակցում էին 6 համալսարանական թիմեր՝

• Հայաստանում ֆրանսիական համալսարանը,
• Հայկական պետական մանկավարժական համալսարանը,
• Հայաստանի պետական տնտեսագիտական համալասարանը,
• Հայաստանի պետական ճարտարագիտական համալսարանը,
• Հայ-ռուսական (սլավոնական) համալսարանը,
• Հայաստանի ազգային ագրարային համալսարանը:

Հրապարակումից օգտվելու դեպքում հղումը սկզբնաղբյուրին պարտադիր է: