Մտածելու ժամանակ՝

• Վարկ տվող կազմակերպությունը պարտավոր է մինչև պայմանագրի կնքումը առնվազն 7 օր առաջ, վարկի առաջարկը և պայմանագրի նախագիծը տրամադրել պոտենցիալ վարկառուին, 
• Այս ընթացքում վարկի առաջարկը մնում է ուժի մեջ, իսկ Դուք կարող եք մտածել և տալ համաձայնությունը կամ հրաժարվել վարկից:

Ինչպես եք տեղեկացված լինելու վարկի մասին՝

• Մինչև պայմանագրի կնքում՝ վարկատու կազմակերպությունը պարտավոր է մանրամասն բացատրել Ձեզ բանավոր վարկի էական պայմանների մասին՝ փաստացի տոկոսադրույք, վճարներ, տուգանքներ, ռիսկեր և այլն: Այս եւ այլ կարեւոր տեղեկությունների մասին Ձեզ տրվելու է անհատական թերթիկ՝ մեկ էջի վրա ամփոփ տեղեկատվություն,

   Պայմանագրի ընթացքում՝ յուրաքանչյուր ամիս ստանալու եք քաղվածք վարկի    մասին՝ որքան է մարվել, որքան է մնացել, հաջորդ անգամ, որքան վճարել,    տույժեր և այլ տեղեկատվություն, որով կկարողանաք հսկել վարկի մարման    ընթացքը,

• Քաղվածքը կարող եք ստանալ Ձեր նախընտրած ձևով (էլեկտրոնային, փոստով):

Պայմանագրի փոփոխություն

• Վարկատու կազմակերպությունը իրավունք չունի փոփոխել պայմանագրի պայմանները միակողմանիորեն, բացառությամբ եթե դրանք ներառում են ավելի ցածր տոկոսադրույք կամ ավելի բարենպաստ պայմաններ: Եթե լողացող տոկոսադրույքով է վարկը, տոկոսադրույքը կարող է միակողմանիորեն փոխվել, որի մասին կտեղեկանաք մեկ ամիս առաջ:

Ուշադիր եղեք տոկոսադրույքին՝

• Հիպոտեկի համար կարող են առաջարկվել լողացող կամ հաստատուն տոկոսադրույքներ, 
• Եթե կազմակերպությունը առաջարկում է և լողացող և հաստատուն, ապա վարկ վերցնողն է ընտրում տոկոսադրույքի տեսակը, 
• Պայմանագրում պետք է սահմանվեն լողացող տոկոսադրույքի այն առավելագույն և նվազագույն շեմերը, որոնցից ավել այն չի կարող բարձրանալ կամ իջնել, 
• Լողացող տոկոսադրույքը տարվա ընթացքում կարող է փոխվել 2 անգամից ոչ ավել, 
• Փոխված տոկոսադրույքը կկիրառվի Ձեզ տեղեկացնելուց մեկ ամիս հետո:

Վաղաժամկետ մարում և հնարավոր տուգանքներ՝

• Վարկ վերցնողը իրավունք ունի վաղաժամկետ մարել վարկը կամ վարկի մի մասը, կամ վերաֆինանսավորել վարկը այլ տեղից վարկ վերցնելու միջոցով, 
• Վարկի վաղաժամկետ մարման դեպքում կարող են կիրառվել տույժեր, տուգանքներ և այլ վճարներ (պայմանագրով սահմանված), կախված մարման վճարից, տոկոսադրույքից և այլ պայմաններից, 
• Մարման գրաֆիկից ավել գումար մարելու դեպքում, այն կուղղվի վարկի մայր գումարի մարմանը (և ոչ թե տոկոսների և տույժերի), եթե, իհարկե, այլ գրավոր կարգադրություն չեք տվել բանկին կամ վարկային կազմակերպությանը:

Հին վարկերի վրա ինչպես է տարածվում՝

• Օրենքը ուժի մեջ է մտել 2018-ի մայիսի 22-ին.
• Այս ամսաթվից առաջ կնքված պայմանագրերի վրա այն կտարածվի հետեւյալ դեպքերում՝
  - երբ կողմերը ձեռք բերեն փոխադարձ համաձայնություն, կամ, 
  - եթե փոխվում է վարկի նվազագույն պայմաններից որեւէ մեկը՝ տարեկան
  - փաստացի տոկոսադրույքը, վճարները, մարման ժամանակացույցը, գրավի հետ կապված և մի շարք այլ պայմաններ,

• Վարկ վերցնողը համապատասխանեցման համար պետք է դիմի վարկ տվող կազմակերպությանը:

Այլ կարեւոր տեղեկություններՉեք կողմնորոշվում վարկի հարցում՝ այցելեք Կենտրոնական բանկի կողմից ստեղծված www.fininfo.am համակարգ, որով կարող եք համեմատել վարկերը: Կազմակերպությունները պարտավոր են նաև իրենց կայքերում հրապարակել վարկերի մասին մանրամասն տեղեկատվություն:

Սույն հրապարակման նպատակն է օրենսդրության դրույթների մատչելի ներկայացումը հանրությանը, և ոչ մի դեպքում չի հանդիսանում իրավական մեկնաբանություն կամ խորհրդատվություն: