«Հայաստանի ավտոապահովագրողների բյուրո» իրավաբանական անձանց միությունը հայտարարում է ԱՊՊԱ ոլորտին վերաբերող տեսահոլովակների նկարահանման մրցույթ:

Տեսահոլովակները պետք է կրեն սոցիալական և տեղեկատվական բնույթ, լայն հասարակությանը ներկայացնեն ԱՊՊԱ համակարգի կարևորությունն ու սոցիալական նշանակությունը։ Հեղինակները ազատ են տեսահոլովակում մտքի արտացոլման հարցում կիրառել ինչպես յուրահատուկ ստեղծագործական, այնպես էլ օգտագործել նյութի մատուցման մատչելի և պարզ մոտեցումներ։

Մրցույթի պայմաններն են`

• յուրաքանչյուր մասնակից կարող է ներկայացնել մեկ և ավելի տեսահոլովակներ,
• մրցույթին կարող են մասնակցել անհատներ եւ խմբեր,
• տեսահոլովակը կարող է նկարահանված լինել պրոֆեսիոնալ կամ սիրողական տեսախցիկով՝ ապահովելով հստակ պատկեր և ձայն,
• ժանրային, ոճային սահմանափակումներ չկան,
• տեսահոլովակի տևողությունը պետք է լինի 1 րոպեի սահմաններում։

Կարելի է օգտագործել համակարգչային ձեւավորում, ինչպես նաեւ ամբողջ տեսահոլովակը պատրաստել համակարգչային անիմացիայի միջոցով։         

Հաղթող տեսահոլովակները կօգտագործվեն ԱՊՊԱ համակարգի սոցիալական դերի և նշանակության գիտակցման ուղղված PR արշավների ընթացքում, կհեռարձակվեն եթերով և կտեղադրվեն «Հայաստանի ավտոապահովագրողների բյուրո» ԻԱՄ-ի ինտերնետային կայքում, սոցիալական էջերում:

Մրցանակներ`

• 1-ին տեղը զբաղեցնող, մրցանակ՝ 150,000 ՀՀ դրամ,
• 2-րդ տեղը զբաղեցնող, մրցանակ՝ 100,000 ՀՀ դրամ,
• 3-րդ տեղը զբաղեցնող, մրցանակ՝ 50,000 ՀՀ դրամ

Մրցույթին մասնակցել ցանկացողները մինչ սույն թվականի հունիս 9-ը կարող են գրանցվել՝ ուղարկելով կենսագրությունն և համապատասխան ուղեկցող նամակը հետևյալ էլեկտրոնային հասցեով՝ ։ Մրցույթի անցկացման մանրամասների մասին կտեղեկացվի գրանցման փուլից հետո։

Հաղորդագրությունից օգտվելու դեպքում հղումը սկզբնաղբյուրին պարտադիր է:

հեռ/ֆաքս. 010 56 37 61 կամ 010 592 697

էլ-փոստ.