ՀՀ ԿԲ խորհրդի անդամ Արմենակ Դարբինյանի գլխավորությամբ հանձնաժողովի անդամները իրականացրեցին քննարկումներ վերջին ժամանակաշրջանում ազգային ռազմավարության ներքո իրականացրած ֆինանսական կրթման հետևյալ նախաձեռնությունները վերաբերյալ: 
 

• Դպրոցներում ֆինանսական կրթման կոմպոնոնտի ներդնումը 
• Ֆինանսական կրթման ծրագիրը գյուղական համայնքներում 
• Abcfinance.am վերափոխված կայքի նոր դիզայնը
• Ավանդների հատուցումը երաշխավորող հիմնադրամի հայտարարած ինֆոգրաֆիկայի մրցույթը
• Հաշտարարի գրասենյակի կողմից իրականացվող ֆինանսական կրթման ծրագրերը 
• «Քաղաքացի» նախագիծը 
• «Խելամիտ վարկավորում» արշավը 
• Ֆինանսական կրթությունը ձեռնարկատիրական կրթության և տնտեսագիտության շրջանում 
• Խնայողությունների միջազգային օրվա տոնակատարություն: 

Նիստին ներկա էին նաև Տնտեսական համագործակցության զարգացման կազմակերպության (OECD) ներքո գործող Ֆինանսական կրթման միջազգային ցանցի (INFE) ներկայացուցիչները, որոնք ժամանել են Հայաստան ծանոթանալու ՖԿԱՌ հանձնաժողովի մասնակիցներին և նրանց կողմից իրականացվող ֆինանսական կրթման ծրագրերին:Ֆինանսական կրթման միջազգային ցանցը (INFE) համարվում է ֆինանսական կրթման ոլորտում աշխարհում առաջատար կազմակերպություն, որին անդամակցում են ավելի քան 240 պետական մարմիններ 110 երկրներից, այդ թվում նաև Հայաստանը: Նիստը ամփոփվեց հետագա քայլերի քննարկմամբ և նոր նախագծերի մեկնարկի ազդարարմամբ: