Արդեն 3-րդ օրն է՝ մեկնարկել է «Իմ ֆինանսների միամսյակ» ծրագրի շրջանակում իրականացվող ավտոբուսով ֆինանսական շրջագայությունը, որը հնարավորություն է տալիս բոլոր հետաքրքրվածներին անձամբ լինել ֆինանսական կազմակերպություններում, ավելի մոտիկից ծանոթանալ նախընտրած կառույցների գործունեությանը եւ տեղում ստանալ ֆինանսական ոլորտին վերաբերող հարցերի պատասխաններ: Շրջագայություններին արդեն մասնակցել են հարյուրավոր երիտասարդներ, ինչպես նաեւ ավելի հասուն տարիքի անձինք: Նրանք եղել են ՀՀ կենտրոնական բանկում, Ֆինանսական համակարգի հաշտարարի գրասենյակում, Հայաստանի ավտոապահովագրողների բյուրոյում, Պրոմեթեյ բանկում, Ռեսո ապահովագրական ընկերոությունում:
Այսօր՝ հոկտեմբերի 17-ին, շրջագայության մասնակիցներն այցելել են ՆԱՍԴԱՔ ՕԷՄԷՔՍ Արմենիա եւ Զարգացման հայկական բանկ: Քիչ առաջ այցելությունը եզրափակվել է ՀՀ կենտրոնական բանկի Այցելուների կենտրոնում, որտեղ ներկաները ծանոթացել են ՀՀ կենտրոնական բանկի եւ հայկական դրամի պատմությանը:
Կարմիր երկհարկանի ավտոբուսում շրջագայողներին ներկայացվեցին ֆինանսական թեմաներով պատմություններ ու հանելուկներ: Առաջինը ճիշտ պատասխանողները ստացան անակնկալ նվերներ:
«Մեծ մոտիվացիա է, որ որեւէ նպատակի համար գումար սկսեմ խնայել: Հավանաբար, խնայած գումարով կգնեմ գրքեր, քարտեզներ», - մեզ հետ զրույցում ասաց Երեւանի պետական տնտեսագիտական համալսարանի Միջազգային տնտեսական հարաբերությունների 3-րդ կուրսի ուսանողուհի Տաթեւիկ Հովհաննիսյանը: Նա շրջագայության հանելուկների մրցույթի հաղթողն էր ու ստացավ խնայողությունների համար նախատեսված խնայատուփ:
ABCFinance.am-ի համանուն սոցիալական էջերում կարող եք գտնել յուրաքանչյուր ֆինանսական շրջագայության լուսանկարները:
Facebook
Twitter
Հրապարակումից օգտվելու դեպքում հղումը սկզբնաղբյուրին պարտադիր է:
հեռ/ֆաքս. 010 56 37 61 կամ 010 592 697, 010 592 698 
CALL_VOLUNTEERS
ENTER_MY_PAGE