Ապրիլի մեկին կայացավ «Տնտեսական միամսյակի» երկրորդ բանավեճը՝ Ազգային արժույթի պահպանման նպատակահարմարությունը Եվրասիական տնտեսական միության պայմաններում թեմայով:

Բանավիճում էին «Մխիթար Սեբաստացի» կրթահամալիրի (այդ թվում նաև «Տնտեսական միամսյակի» համակազմակերպիչ Մերի Թելունցը) և «Երևանի պետական տեխնոլոգիական քոլեջ»-ի սաները: Բանավեճը վարում էր «Մխիթար Սեբաստացի» կրթահամալիրի Տնտեսագետի ակումբի ղեկավար, «Տնտեսական միամսյակի»-ի ղեկավար  Արման Երանոսյանը:

Ժյուրիի անդամներն էին՝

• Հայկ Ավետիսյան՝ Կենտրոնական բանկի դրամավարկային քաղաքականության՝ արտաքին հատվածի վերլուծության և կանխատեսումների բաժնի պետ,
• Արաքս Մանուչարյան՝ Կենտրոնական բանկի՝ սպառողների շահերի պաշտպանության և ֆինանսական կրթման կենտրոնի՝ ֆինանսական կրթման մասնագետ:

Աշակերտները թվարկում էին տնտեսական, ինչպես նաև քաղաքական մի շարք փաստարկներ: Ժյուրիի անդամ Հայկ Ավետիսյանը խորհուրդ տվեց աշակերտներին փաստարկները հետագայում ներկայացնել տնտեսական հիմնավորվածությամբ, ներկայանալ առավել մասնագիտական և տրամաբանական վերլուծություններով:

Թեժ պայքարն ամփոփվեց 78-78՝ ոչ-ոքի,  արդյունքով: Շնորհավորում ենք երկու թիմերին էլ:

Գովելի է աշակերտների շրջանում տնտեսական թեմաների նկատմամբ նմանատիպ պատասխանատվությունն ու հետաքրքրվածությունը: Առջևում վերջին բանավեճն է: