Օգոստոսի 16-ից «Ֆինանսական կազմակերպությունների գործարար վարվելակերպի կանոնները» կանոնակարգ 8/05 դրույթները բացի սպառողական վարկերից, տարածվում են նաեւ հիպոտեկային եւ (մինչ. 5 մլն դրամ) գյուղատնտեսական վարկերի վրա: 

ԻՆՉՊԵՍ ԵՔ ՏԵՂԵԿԱՑՎԱԾ ԼԻՆԵԼՈՒ ՎԱՐԿԻ ՄԱՍԻՆ՝  

• Մինչև պայմանագրի կնքումը՝ վարկ տվող կազմակերպությունը պարտավոր է ձեզ բանավոր ներկայացնել փաստացի տոկոսադրույքը, ժամկետը, պարտադիր վճարները, արժույթը, տուգանքներն ու այլ էական տեղեկություններ: 
• Պայմանագրի կնքման ժամանակ՝ վարկ տվող կազմակերպությունը ձեզ կտրամադրի տոկոսագումարների և մայր գումարի վճարման ժամանակացույցը և կարգը, կներկայացնի վաղաժամկետ մարման կարգը, կիրառվող տույժերը, տուգանքները, 
• Պայմանագրի ընթացքում՝ յուրաքանչյուր ամիս դուք կստանաք քաղվածք , որտեղ կտեսնեք որքան է մարվել վարկից, որքան է մնացել, հաջորդ անգամ որքան պետք է վճարել, տույժերի  մասին տեղեկատվություն: Հետեւելով քաղվածքներին՝ դուք կկարողանաք հսկել վարկի մարման ընթացքը:  Քաղվածքը կարող եք ստանալ ձեր նախընտրած ձևով, այդ թվում էլեկտրոնային, փոստով, առձեռն եւ այլն: 

 Կանոնակարգին ծանոթացեք այստեղ՝ «Ֆինանսական կազմակերպությունների գործարար վարվելակերպի կանոնները» կանոնակարգ 8/05 դրույթները: