Մխիթար Սեբաստացի կրթահամալիրում Կենտրոնական բանկի աջակցությամբ շարունակվում են տնտեսագիտական տարբեր թեմաներով սեմինարների վարումը:

Այս անգամ տարբեր դպրոցներից ժամանած դպրոցականներն ուսումնասիրեցին, թե ինչ է Ազգային հաշիվների համակարգը, վերջինս կազմող հիմնական ցուցանիշները, իրավիճակը Հայաստանում: Սեմինարը վարեց Հայաստանում ֆրանսիական համալսարանի «Ֆինանսների և հաշվապահության» ամբիոնի վարիչ Անաստաս Աղազարյանը:

Այս սեմինարը օգտակար եղավ հատկապես այն աշակերտների համար, ովքեր վաղը կմասնակցեն բանավեճի «Գյուղատնտեսություն, թե՞ արդյունաբերություն» թեմայով, կքննարկեն դրանց համամասնությունը Համախառն ներքին արդյունքում:

Նշենք, որ այսքանով «Տնտեսագիտական միամսյակ»-ի սեմինարներն ամփոփվեցին: Փողի միջազգային շաբաթվա, ապա «Տնտեսագիտական միամսյակ»-ի շրջանակում կազմակերպվեցին սեմինարներ հետևյալ թեմաներով՝         

• Ինչու՞ դառնալ տնտեսագետ, ՀՀ տնտեսությունն այսօր,
• Գովազդի դրական և բացասական կողմերը,
• Անձնական ֆինանսների ճիշտ կառավարում,
• ՀՀ կենտրոնական բանկի գործառույթները, գնաճի էությունն ու դրամավարկային քաղաքականության նպատակը,
• Ֆինանսական շուկան, դրա դերը, ֆինանսական համակարգը Հայաստանում,
• Ազգային հաշիվների համակարգը:

 Սեմինարներին կհաջորդեն բանավեճերը և մրցույթները: