«Տնտեսական միամսյակի» բանավեճերի փուլը մեկնարկված է, որոնց մասնակիցը կարող եք դառնալ նաև Դուք: Մեզ սպասվող բանավեճերն են՝

1. «Ազգային արժույթի պահպանման նպատակահարմարությունը ԵՏՄ շրջանակներում»՝ 01 ապրիլ, կբանավիճեն Մխիթար Սեբաստացի կրթահամալիրի և Երևանի պետական տեխնոլոգիական քոլեջի սաները,

2.   «Գնաճն առավել դրական, թե՞ բացասական երևույթ է»՝ 06 ապրիլ, կբանավիճեն Մխիթար Սեբաստացի կրթահամալիրի և ԱՅԲ կրթահամալիրի սաները:

Բանավեճերին կարող եք մասնակցել ինչպես որպես հանդիսատես, այնպես էլ կարող եք նոր բանավեճի հայտեր ներկայացնել: Մանրամասներն այս հղումով: 

Նշենք, որ «Արդյունաբերություն, թե՞ գյուղատնտեսություն» թեմայով մեկնարկային բանավեճը տեղի ունեցավ այսօր: Բանավիճում էին Մխիթար Սեբաստացի կրթահամալիրի 8-րդ դասարանի սաները: Գյուղատնտեսության ջատագովներն էին՝

• Մարիամ Մանսուրյանը,
• Անի Ջանոյանը,
• Արաքս Հովհաննիսյանը:

Իսկ արդյունաբերությունը որպես տնտեսության կարևորագույն ճյուղ էին ներկայացնում՝

• Էրիկ Թելունցը,
• Միքայել Միրզոյան,
• Էմիլ Հովհաննիսյանը:

Ժյուրիի անդամներն էին՝

• Նարեկ Ղազարյան՝ Կենտրոնական բանկի դրամավարկային քաղաքականության վարչության՝ իրական հատվածի վերլուծության և կանխատեսումների բաժնի պետ,
• Արաքս Մանուչարյան՝ Կենտրոնական բանկի՝ սպառողների շահերի պաշտպանության և ֆինանսական կրթման կենտրոնի՝ ֆինանսական կրթման մասնագետ,
• Լիլիթ Գասպարյան՝ Մխիթար Սեբաստացի կրթահամալիրի ավագ դպրոցի գրասենյակի ղեկավար:

Երկու կողմերն էլ ներկայացրին ծանր փաստարկներ, հիմնավորեցին, թե որ ճյուղն է պետք Հայաստանում զարգացնել: Համառ պայքարի արդյունքում հաղթող ճանաչվեց արդյունաբերության զարգացումը խրախուսող կողմը:

Շնորհավորում ենք կայացած բանավեճի կապակցությամբ, սպասում հաջորդներին: