Երեխաների և երիտասարդների ֆինանսների միջազգային կազմակերպության (Child and Youth Finance International) նախաձեռնությամբ իրականացվող Փողի միջազգային շաբաթ 2016 (Global Money Week 2016) ծրագիրն այս տարի 5 տարեկան է:

Փողի միջազգային շաբաթը երեխաների, պատանիների և երիտասարդների շրջանում փողի մասին տեղեկացվածությունը բարձրացնող ծրագիր է: Այս շաբաթվա ընթացքում կազմակերպվում են կրթական հետաքրքիր միջոցառումներ փողի, խնայողության, ապրուստի ստեղծման, աշխատանք գտնելու, բիզնես ունենալու և այլ թեմաներով:

Հայաստանը ևս մասնակցում է այս կրթական նախաձեռնությանը, որն այս տարի տեղի է ունենում մարտի 14-ից 21-ը:

Փողի միջազգային շաբաթ 2016-ի խորագիրն է

Մասնակցի՛ր ու լա՛վ խնայիր (Take part. Save Smart!)

Ծրագրի հինգամյակին նվիրված Երեխաների և երիտասարդների ֆինանսների միջազգային կազմակերպությունը հայտարարում է Սելֆի մրցույթ՝ Փողի միջազգային շաբաթ 2016 (Global Money Week 2016)-ի լոգոյի հետ: Մասնակցելու համար պետք է կատարել այս 3 քայլերը.

1. Տպել Փողի միջազգային շաբաթվա լոգոն (աղբյուր՝ http://globalmoneyweek.org/Resources/global-money-week-logos.html)
2. Նկարել հետաքրքիր սելֆի՝ նվիրված ծրագրի հինգամյակին (սելֆին քո կողմից կատարված լուսանկարն է, որտեղ դու ես կամ մի խումբ մարդիկ՝ այդ թվում և դու):
3. Կարող ես կրել տարազ, ներառել նաև մեր երկրի դրոշը, ազգային այլ խորհրդանիշներ, գունավոր պարագաներ և այլն:
4. Մինչև մարտի 21-ը ժամը 17:00-ը տեղադրել քո նախընտրած սոցիալան կայքում (Facebook, Twitter, Instagram)՝ այս  հեշթեգերն օգտագործելով #GMWSelfie #GMW2016 #GlobalMoneyWeek (բոլորը):

Կհաղթի ամենաշատ LIKE հավաքած մասնակիցը, ում սելֆին կհայտնվի Փողի միջազգային շաբաթ 2016-ի համաշխարհային զեկույցում, կհրապարակվի սոցիալական կայքերում: Հաղթողները կհայտարարվեն ապրիլի 1-ին: