Անդամների շարքում են նախարարություններ, կրթական գերատեսչություններ, ֆինանսական միություններ, կառույցներ, կազմակերպություններ ու ասոցիացիաներ, կրթական կազմակերպություններ ու հիմնադրամներ, իսկ հանձնաժողովը ղեկավարում է Կենտրոնական բանկը։

Նիստի բացումն արեցին Ֆինանսական կրթման ծրագրի հանձնաժողովի նախագահ Հասմիկ Ղահրամանյանը և Կրթության, գիտության, մշակույթի և սպորտի նախարարի տեղակալ Արաքսիա Սվաջյանը:  

Նիստի ընթացքում ներկայացվեցին ֆինանսական կրթության՝  վերջին եռամսյակում իրականացված ծրագրերը.

• Փողի միջազգային շաբաթվա ներքո իրականացված «Կենտրոնական բանկը դպրոցներում» ծրագրի առաջին փուլը, որի արդյունքում Կենտրոնական բանկի 43 աշխատակից այցելել է Երևան քաղաքի և մարզերի 60 դպրոցներ,  տեղեկատվական սեմինարներ են վարել մոտ 1800 աշակերտների համար:
• Ֆինանսական համակարգի հաշտարարի գրսենյակը ներկայացրեց «Փողի միջազգային շաբաթ» ծրագրի շրջանակում գրասենյակի իրականացրած միջոցառումները, որոնք են Արմավիրի մարզում ոչ ֆորմալ դասընթացի իրականացումը աշակերտների համար: Մեկ այլ միջոցառման շրջանակում աշակերտները և ուսանողները հյուրընկալվում գրասենյակում, նրանց հետ վարվում են սեմինարներ, խաղերի, թվային տեխնոլոգիաներով հարցումներ և այլն:
• Վիքիմեդիա Հայաստանը Կենտրոնական բանկի հետ համատեղ իրականացնում է մրցույթ, որի նպատակն է ամբողջական և համապարփակ կերպով թարմացնել և ներկայացնել հայերենով ֆինանսատնտեսական համակարգը և բովանդակությունը Վիքիպեդիայում: Ծրագրին դիմել են 134 դիմորդ, որից՝ 110 նորեկ, 23-ը՝ փորձառու:
• Զինվորականների ֆինանսական կրթման ծրագիրը, որի արդյունքում կազմակերպվել են ֆինանսների կառավարման տարաբնույթ թեմաներով դասախոսություններ, այցելություններ, վեբինարներ, էքսկուրսիաներ և այլ միջոցառումներ տարբեր թիրախային խմբերի համար:   
• Կամավորների հավաքագրում՝ կրթական ծրագրերին աջակցություն ցուցաբերելու նպատակով: Ծրագրի արդյունքում կամավորների թիվը համալրվել է 65 նոր կամավորներով:  
• Ֆինանսական ներգրավման ալիանս (AFI- Alliance for Financial Inclusion) կազմակերպության հետ այժմ իրականացվում է հետազոտություն, որի նպատակն է գնահատել է Հայաստանի, Մոնղոլիայի, Ռուսաստանի, Բելառուսի, Ղազախստանի, Տաջիկստանի և Ուզբեկստանի դպրոցներում ֆինանսական կրթության արդյունավետությունը: