Եթե կենսաթոշակառուն ընտրում է կենսաթոշակների վճարման անկանխիկ եղանակը, ապա նա պետք է այցելի ՀՀ աշխատանքի և սոցիալական հարցերի նախարարության հետ պայմանագիր կնքած բանկ և բացի բանկային հաշիվ: Կենսաթոշակառուն ինքն է ընտրում բանկը, որի հետ ցանկանում է կնքել հաշվի բացման պայմանագիր:
Կենսաթոշակառուին տրամադրվում է վճարային քարտ, որի միջոցով նա կարող է կանխիկացնել իր բանկային հաշվին փոխանցված կենսաթոշակը:
Բանկային հաշվի բացումը, սպասարկումը, քարտերի թողարկումն ու տրամադրումը անվճար է:
Այնուհետև, կենսաթոշակառուն պետք է այցելի իր բնակության վայրի սոցիալական ապահովության տարածքային բաժին և ներկայացնի համապատասխան դիմում` նշելով բանկի անվանումը և իր բանկային հաշվի համարը:
Եթե կենսաթոշակառուն ընտրում է կենսաթոշակի վճարման կանխիկ եղանակը, ապա նա պետք է այցելի իր բնակության վայրի սոցիալական ապահովության տարածքային բաժին և լրացնի համապատասխան դիմում` նշելով այն վճարահաշվարկային կազմակերպության անվանումը, որի միջոցով ցանկանում է ստանալ կենսաթոշակը:
Կենսաթոշակների վճարման կանխիկ եղանակն ընտրած կենսաթոշակառուների կենսաթոշակները վճարվելու են կենսաթոշակառուների բնակության վայրի հասցեում կամ վճարող կազմակերպության գրասենյակում` առձեռն կենսաթոշակառուներին կամ նրանց կողմից լիազորված անձանց:
Ցանկացած ժամանակ կենսաթոշակառուները կարող են դիմել իրենց բնակության վայրի սոցիալական ապահովության տարածքային բաժին` կենսաթոշակը ստանալու եղանակը, բանկը կամ կազմակերպությունը փոխելու համար:
Ներկայումս կենսաթոշակառուներն անկանխիկ եղանակով իրենց կենսաթոշակները կարող են ստանալ հետևյալ բանկերից`
- «Պրոմեթեյբանկ» ՍՊԸ
- «ԲՏԱ բանկ» ՓԲԸ
- «Զարգացման Հայկական Բանկ» ԲԲԸ
-
«Կոնվերս բանկ» ՓԲԸ
-
«Ակբա-Կրեդիտ – Ագրիկոլ բանկ» ՓԲԸ
- «Արցախբանկ» ՓԲԸ
- «Առէկսիմբանկ-Գազպրոմբանկի խումբ» ՓԲԸ
-
«Յունիբանկ» ՓԲԸ
-
«Արդշինինվեստբանկ» ՓԲԸ
-
«Մելլաթբանկ» ՓԲԸ
- «Հայբիզնեսբանկ» ՓԲԸ
-
«Արարատբանկ» ԲԲԸ
- «ՎՏԲ-Հայաստան բանկ» ՓԲԸ
- «Հայէկոնոմբանկ» ԲԲԸ
Կենսաթոշակառուները կանխիկ եղանակով իրենց կենսաթոշակները կարող են ստանալ հետևյալ կազմակերպությունների միջոցով`
-
«Ադալև Ռիա» ՍՊԸ
- «Ի-դրամ» ՍՊԸ
- «Կվադրակոմ» ՍՊԸ
-
«Դեպի տուն» ՍՊԸ
-
«Մեգա Պանտերա» ՍՊԸ
-
«Հայփոստ» ՓԲԸ
Կենսաթոշակների վճարման վերաբերյալ առավել մանրամասն կարող եք իմանալ «Կենսաթոշակների վճարման կարգի»pdf միջոցով:
Վճարային քարտի մասին մանրամասն կարող եք իմանալ այցելելով մեր կայքի ՎՃԱՐԱՅԻՆ ՔԱՐՏԻ ՄԱՍԻՆ էջը կամ դիտեք ՏԵՍԱՖԻԼՄԵՐ բաժնում տեղակայված «Վճարային քարտի մասին ֆիլմը»:
Հաղորդագրությունից օգտվելու դեպքում հղումը սկզբնաղբյուրին պարտադիր է:
հեռ/ֆաքս. 010 56 37 61 կամ 010 592 697, 010 592 698
էլ-փոստ.
CALL_VOLUNTEERS
ENTER_MY_PAGE