Սեպտեմբերի 30-ին ՀՀ կենտրոնական բանկում տեղի է ունեցել «Իմ Ֆինանսների միամսյակ» ծրագրի բացումը:
Հոկտեմբերը հայտարարվել է անձնական ֆինանսներին նվիրված ամիս: ՀՀ կենտրոնական բանկի խորհրդի անդամ Արմենակ Դարբինյանը նշել է, որ «Իմ Ֆինանսների միամսյակ» ծրագրի նպատակն անձնական ֆինանսների «գրագետ» կառավարման կարևորումն է, որը ֆինանսական կրթման մակարդակի բարձրացման հետ մեկտեղ ֆինանսական բարեկեցության և սոցիալական վիճակի բարելավման կարևոր նախադրյալներից է: Նա ընդգծել է, որ ծրագիրը կարևոր է հատկապես մարզերի համար, որտեղ մարդիկ առավել քիչ են օգտվում ֆինանսական ծառայություններից: ԿԲ խորհրդի անդամը տեղեկացրել է, որ ծրագրին մասնակցում են ֆինանսական համակարգի գրեթե բոլոր ոլորտների կառույցները՝ ՀՀ կենտրոնական բանկը, Ավանդների հատուցումը երաշխավորող հիմնադրամը, Հայաստանի բանկերի, Վարկային կազմակերպությունների միությունները, Ապահովագրական շուկայի մասնակիցների ասոցիացիան, Հայաստանի հիփոթեքային շուկայի մասնակիցների ասոցիացիան, Ֆինանսական համակարգի հաշտարարը, Հայաստանի ավտոապահովագրողների բյուրոն, ՆԱՍԴԱՔ ՕԷՄԷՔՍ Արմենիան, առևտրային բանկերը, ապահովագրական ընկերությունները ու վարկային կազմակերպությունները, ինչպես նաև ԱՄՆ-ՄԶԳ «Ֆինանսներ տնտեսական զարգացման համար» ծրագիրը, KfW – Գերմանական Զարգացման բանկը, SBFIC–Գերմանիայի խնայբանկերի միջազգային համագործակցության հիմնադրամը:
ՀՀ կենտրոնական բանկի Ֆինանսական համակարգի կայունության և զարգացման վարչության Սպառողների շահերի պաշտպանության և շուկայի վարվելակերպի բաժնի պետ Արմենուհի Մկրտչյանը ներկայացրել է Ծրագրի շրջանակում նախատեսված միջոցառումները. իրականացվելու են բազմատեսակ մրցույթներ.
- Պատկերապատման մրցույթ «Ապահովագրությունը մարդու կյանքում» թեմայով,
- Լուսանկարների մրցույթ «Խնայողություններ» թեմայով,
- Հեռախոսային հավելվածի մրցույթ «Բյուջեի պլանավորում թեմայով»,
- Երեխաների նկարների մրցույթ «Ես և փողը» և «Փողը իմ ընտանիքում» թեմաներով):
Միջոցառումների շարքը համալրում են ավտոբուսով ֆինանսական շրջագայությունը, «Երազանքների պատի» կառուցումը, հանդիպումներ ու սեմինարներ դպրոցներում ու համալսարաններում, ինտերակտիվ դասընթացներ, բացօթյա ցուցահանդես, ֆինանսական կազմակերպություններում բաց դռների օրեր և այլ միջոցառումներ:
Միամսյակը կեզրափակվի հոկտեմբերի 31-ին՝ Խնայողությունների միջազգային օրը: Միջոցառումներին և դրանց վերաբերյալ տեղեկատվությունը հասանելի է www.abcfinance.am կայքում, ինչպես նաև համանուն facebook- յան էջում: Նշվել է նաև, որ «Իմ Ֆինանսների միամսյակ» ծրագրից զատ, Ֆինանսական կրթման ազգային ռազմավարության ներքո ֆինանսական իրազեկմանն ուղղված միջոցառումներ իրականացվում են մշտապես:
Հաղորդագրությունից օգտվելու դեպքում հղումը սկզբնաղբյուրին պարտադիր է:
հեռ/ֆաքս. 010 56 37 61 կամ 010 592 697, 010 592 698
էլ-փոստ.
Հաղորդագրությունից օգտվելու դեպքում հղումը սկզբնաղբյուրին պարտադիր է:
հեռ/ֆաքս. 010 56 37 61 կամ 010 592 697, 010 592 698
էլ-փոստ.
CALL_VOLUNTEERS
ENTER_MY_PAGE