Ի՞նչ անելՆման իրավիճակներում հարկավոր է մոբիլիզացնել ու օպտիմալացնել բոլոր ուժերը, կայացնել ծանրակշիռ և հեռատես որոշումներ:
Այս օրերին ևս մեր կայքում դուք կարող եք կարդալ կյանքի տարբեր իրավիճակներում անձնական բյուջեն պլանավորելու, խնայողություններ կատարելու, առցանց գործիքներից օգտվելու և տարատեսակ այլ հմտությունների զարգացման վերաբերյալ տեղեկություններ եւ խորհուրդներ: Մենք տեղեկատվություն կտրամադրենք նաև ՀՀ կառավարության կողմից նոր կորոնավիրուսի տնտեսական հետևանքների չեզոքացմանն ուղղված միջոցառումների ու սոցիալական ծրագրերի վերաբերյալ:Ինչպե՞ս կայացնել արդյունավետ ֆինանսական որոշումներ

Ցանկացած ֆինանսական որոշում կայացնելիս եղե'ք իրատես և օբյեկտիվ: Որոշումներ կայացնելիս հաշվի' առեք ու գնահատե'ք՝

• ստեղծված իրավիճակի դրական և բացասական կողմերը,
• խնդրի լուծման բոլոր տարբերակները, դրանց առավելություններն ու հնարավոր դժվարությունները (օր.՝ վարկի տրամադրման պայմանները),
• անհրաժեշտ ծախսերը,
• առկա և իրատեսորեն հնարավոր եկամուտները,
• ունեցած եւ չունեցած ռեսուրսները,
• անորոշ/անկանխատեսելի հանգամանքները, հեռանկարներն ու իրատեսական ելքերը: