Մրցույթներ

Ամփոփենք ծրագրի շրջանակում հայտարարված խնայատուփերի մրցույթը. հաղթողներն են՝

• Հասմիկ Մարգարյան, 9 տարեկան, Երևան,
• Հարություն Հարությունյան, 8 տարեկան, Դիլիջան,
• Սուսաննա Հայրապետյան, 14 տարեկան, Երևան:

Մրցույթն ամփոփվեց Դիլիջանի՝ «Գիտելիք հանուն զարգացման» կենտրոնում: Ժյուրիի անդամներն էին «Գիտելիք հանուն զարգացման» կենտրոնի տնօրեն Վլադիմիր Կոստանդյանը, Դիլիջանի կենտրոնական դպրոցի տնօրեն Արամ Մեհրաբյանը, ինչպես նաև ֆինանսական համակարգի աշխատակիցներ:

Շնորհավորում ենք հաղթողներին՝ մաղթելով նաև խնայելու մշակույթի ձևավորում, այդ խնայողություններով ֆինանսական մեծ նպատակների իրագործում:

Սեմինարներ և Խնայողությունների խաղ

Ապրիլի 11-ին «Մխիթար Սեբաստացի» կրթահամալիրում տեղի ունեցավ «Սովորել, խնայել, վաստակել» թեմայով սեմինար դպրոցականների համար: Իսկ դասից հետո նրանք իրենց գիտելիքները կիրառեցին «Խնայողությունների խաղում»:5 հոգուց բաղկացած թիմերը իրենցից ներկայացնում էին ընտանիքներ, որտեղ կային հայր, մայր, տատիկ և երկու երեխաներ: Ընտանիքը պետք է հասներ իր առջև դրված նպատակին և ունենար կյանքի բարձր որակ: Այս առաջադրանքը լավագույնը կարողացան կատարել 2 թիմեր, որոնց անդամներն էին՝

• Սամվել Զաքոյան,
• Տիգրան Սերոբյան,
• Լիդիա Կամենդատյան,
• Անուշիկ Նիկողոսյան,
• Նինա Կարապետյան,
• Արման Մարտիրոսյան,
• Անի Մելիքյան,
• Անդրանիկ Սարգսյան,
• Արտակ Նշանյան,
• Գարեգին Նիկոլյան:

Որպես մրցանակներ նրանք ստացան գեղարվեստական և ֆինանսական գրքեր, գրենական պարագաներ:

Դասեր և Ֆինանսական Այլ կերպ

ՀՀ կենտրոնական բանկի Այցելուների կենտրոն այցելեցին «Ջինիշյան» և «Հայաստանի մանուկներ» հիմնադրամների սաները, որոնք մասնակցեցին դասի՝ սովորելով, թե ինչպես է պետք փոքր տարիքից հոգալ ապագայում պահանջված աշխատանք ունենալու, ֆինանսապես հավասարակշռված կյանք ունենալու համար:Այնուհետև խմբերը խաղացին «Ֆինանսական Այլ կերպ» խաղը՝ միմյանց բացատրելով ֆինանսական հեշտ և բարդ եզրեր, ինչպես ավանդը, գրավը, հաշվիչը և այլն:Հաղթող մասնակիցները ևս պարգևատրվեցին մրցանակներով: