Արդեն վեցերորդ տարին է, ինչ ավագ դպրոցի §տնտեսագիտություն¦ առարկայի շրջանակում կազմակերպվող   «Brain – Ring» մրցույթի եզրափակիչ փուլն անցկացվում է   ՀՀ Կենտրոնական բանկի, «Հայաստանի պատանեկան նվաճումներ» հասարակական կազմակերպության և ԱՄՆ Միջազգային զարգացման գործակալության (USAID) համատեղ նախաձեռնությամբ:  

Աշակերտների տնտեսագիտական գիտելիքների և հմտությունների  խորացմանը, արագ  և ճկուն մտածելու կարողությանը նպաստելուն ուղղված խաղ-մրցույթին այս տարի ևս մասնակցում էին 10 մարզերը և Երևանը ներկայացնող 11 թիմեր՝ 5-ական անդամներով: Կիսաեզրափակիչ փուլում դպրոցական ծրագրից կազմված հարցերին լավագույնը պատասխանեցին 3 թիմեր, որոնք եզրափակիչ փուլում գրավեցին հետևյալ տեղերը՝

1. Շիրակի մարզ,
2. Կոտայքի մարզ
3. Գեղարքունիքի մարզ:

Մրցույթում հաղթած թիմերի մասնակիցները և նրանց պատրաստող ուսուցիչները  պարգևատրվեցրին ՀՀ Կենտրոնական բանկի  պատվոգրերով և մրցանակներով: Բոլոր թիմերին շնորհվեցին մասնակցության վկայականներ: Հաղթող թիմը ամռանը կմասնակցի «Հայաստանի պատանեկան նվաճումներ» հասարակական կազմակերպության ամառային ճամբարին:

Հատուկ հարցեր ուղղվեցին կրթական և ֆինանսական հետևյալ կառույցների կողմից՝

• Կրթության և գիտության նախարարություն,
• Կրթության ազգային ինստիտուտ,
• Ֆինանսական համակարգի հաշտարար,
• Ավանդների հատուցումը երաշխավորող հիմնադրամ,
• Գերմանական խնայբանկերի միություն:

Նրանք աշակերտներին հանձնեցին հատուկ մրցանակներ:

Շնորհավորում ենք բոլոր հաղթողներին և մասնակիցներին: