Այսօր՝ նոյեմբերի 26-ին, ՀՀ կենտրոնական բանկում տեղի ունեցավ ՀՀ-ում ֆինանսական կրթման ազգային ռազմավարության մշակման և իրագործման հանձնաժողովի հերթական 9-րդ նիստը:

ՀՀ ԿԲ խորհրդի անդամ Արմենակ Դարբինյանի գլխավորությամբ հանձնաժողովի անդամները ամփոփեցին վերջին եռամսակի ընթացքում ազգային ռազմավարության ներքո իրականացրած գործունեությունը և կատարված աշխատանքները, մասնավորապես՝

• «Բաց սեմինարներ» ծրագիրը,  
• «Ֆինանսական կրթությունը դպրոցներում». աշխատանքային խմբի աշխատանքների ընթացքի մասին թարմացումները,
• Գյուղական համայնքներում իրականացված ֆինանսական կրթման ծրագիրը և նրա արդյունքների ամփոփումը,
• Մարզերում ֆինանսական կրթման մի շարք սեմինարներ,  
• «Խելամիտ վարկավորում» արշավի շրջանակում իրականացված միջոցառումները: 

Այսօրվա հանդիպման ժամանակ  Ֆինանսական կրթման ազգային ռազմավարության  մշակման և իրագործման հանձնաժողովի անդամները քննարկեցին և հայտարարեցին նոր նախագծերի մեկնարկը, ինչպիսիք են՝

• «Սիրիայի հայերի ֆինանսական ինտեգրում»,
• «Կանայք բիզնեսում»:   

Նիստի ժամանակ նաև առաջարկվեց և քննարկվեց ապրիլ ամսին տեղի ունեցող «Իմ ֆինանսների ամիս» ծրագրի նախապատրաստական աշխատանքները: