Հեքիաթների բեմադրություններԵրբ հանդիպում են «Փողի միջազգային շաբաթն» ու Թումանյանի 150-ամյակը, նորովի են մեկնաբանվում «Ոսկու կարասը» և «Սուտասանը» հեքիաթները դպրոցի 2–րդ և 4-րդ դասարանցիների կատարմամբ:
Հեքիաթները բեմադրեցին, նրանց հետ մեկնաբանեցին դասվարներ Գայանե Ջանոյանն ու Մարինե Արևշատյանը: 

Մաթեմատիկան և ֆինանսներըԴպրոցի 6-րդ դասարանցիները կոչ են անում ճիշտ վարվել փողի հետ՝ նախևառաջ այն ճիշտ հաշվարկելով: Էլ ի՞նչ ֆինանսներ՝ առանց մաթեմատիկայի:
Այստեղ էլ նրանց օգնել է մաթեմատիկայի ուսուցչուհի Անժիկ Մարտոյանը: 

ԲանավեճԻսկ 10-րդ դասարանցիները բանավիճում են «Խնայե՞լ, թե՞ ծախսել»  թեմայով: Աշակերտներ իրենց փաստարկները հիմնավորում էին ասույթներով, բերում օրինակներ հաջողած մարդկանց կյանքի փորձից. Ուորեն Բաֆեթ, Կառլոս Սլիմ և այլք:
«Ուղղորդել, բայց չպարտադրել» սկզբունքով նրանց հետ աշխատեց, ինչպես նաև դպրոցում ծրագիրը համակարգեց Մարիետա Շահվերդյանը: 

Աշակերտները խոստացել են, որ փողի հետ արդյունավետ վարվելու նրանց գիտելիքը, հմտությունները դուրս կգան դպրոցի սահմաններից, կմտնեն նրանց ընտանիքներ և գործնականում կգտնեն իրենց կիրառությունը:

Հիշեցնենք, որ
«Փողի միջազգային շաբաթ»-ը Երեխաների և երիտասարդների ֆինանսների միջազգային կազմակերպության նախաձեռնությունն է, որն իրականացվում է 2011 թվականից սկսած:
Ծրագրի շրջանակում աշակերտների, պատանիների, ուսանողների հետ խոսում ենք, բացատրում ենք, օրինակներ ենք ցույց տալիս, նկարում ենք, երգում ենք, պարում ենք, խաղում ենք ... ֆինանսների մասին: Այս տարվա կարգախոսն է. «Սովորի՛ր, խնայի՛ր, վաստակի՛ր»:
Ծրագիրն իրականացվում է 169 երկրներում, 2011-ից ի վեր ընդգրկվել են 32 միլիոն երեխաներ և ուսանողներ: