Եկեք հասկանանք, թե որոնք են ֆինանսական խարդախություններից խուսափելու համար «նախազգուշացնող» նշանները, որոնք հնարավորություն կտան ցանկացած նոր իրավիճակում հեշտությամբ ճանաչել հնարավոր ծուղակները: Այդ «նախազգուշացնող» նշանները հիմնականում հետևյալներն են`

• Այն, ինչ առաջարկում են, չափազանց գայթակղիչ է իրական լինելու: Բացի այդ, մտածելու բավարար ժամանակ չկա, հանգամանքները պահանջում են արագ որոշում կայացնել, քանի որ լավ առաջարկը գործում է միայն «այսօր» և վաղը այն կարող է արդեն չլինել:
• Գործարքը սկսելու համար տարբեր պատրվակներով պահանջվում է նախապես որոշակի գումար վճարել, օրինակ` իրավաբանական ծառայությունների, հարկային կանխավճարի և այլնի համար: Ձեզնից խնդրում են նաև այս կամ այն նպատակով անծանոթ մարդկանց տրամադրել ձեր անձնական կամ բանկային տվյալները,
• Ձեզ հետ կապ հաստատած անձանց չեք ճանաչում, երբևէ նրանց կամ նմանատիպ ծառայություն մատուցող անձանց չեք փնտրել: Այդ անհայտ անձինք այնպիսի երկրից են, որտեղի օրենքների ու սպառողների պաշտպանվածության աստիճանի մասին դուք ոչինչ չգիտեք: Բացի այդ հնարավոր չէ  կապվել նրանց հետ, չկա հեռախոսահամար կամ այն չի պատասխանում, տրամադրված հասցեն հնարավոր չէ որևէ կերպ ստուգել  կամ գտնել կազմակերպության հասցեն:
• Ստացել եք անսպասելի նամակ ձեր բանկից կամ այլ հեղինակավոր կառույցից, որտեղ ասվում է, թե պետք է անհապաղ տրամադրեք ձեր քարտի անձնական տվյալները, փոխել գաղնաբառը և այլ նմանատիպ պահանջներ:
• Վճարային քարտով վճարում կատարելիս աշխատակիցը վերցնում է ձեր քարտը և հեռանում ձեր տեսադաշտից:
• Ինտերնետային առևտուր անելիս կայքը ունի անվստահ տեսք, բացակայում են անվտանգության մասին հայտարարությունները և նշանները, կայքում գովազդը շատ է: Իմացեք նաև Ինտերնետում անվտանգ գնումներ կատարելու 12 կանոնները:
• Բանկոմատով Բանկոմատը մի սարքավորում է, որով իրականացվում է փողի կանխիկացում և ծառայությունների դիմաց վճարումներ: գործարքներ կատարելիս նկատում եք, որ բանկոմատը անսարք է, ստեղնաշարը ճոճվում է կամ բանկոմատի Բանկոմատը մի սարքավորում է, որով իրականացվում է փողի կանխիկացում և ծառայությունների դիմաց վճարումներ: և էկրանի վրա բացակայում են բանկի, միջազգային համակարգերի լոգոները:

Ինչ անել, երբ կասկածում եք առաջարկը ֆինանսական խարդախություն է, թե ոչ

• Ստուգեք ստացված առաջարկի հավաստիությունը: Հայաստանում գործող կազմակերպության կամ անհատի կողմից գործարք կատարելու առաջանալու դեպքում ստուգեք, արդյոք կազմակերպությունը/անհատը գրանցված է պետական համապատասխան կառույցում (օրինակ Կենտրոնական բանկում)` որպես լիզենցավորված կազմակերպություն: 
• Եթե առաջարկ եք ստացել արտասահմանյան կազմակերպությունից, ապա տարբեր կայքերի միջոցով ստուգեք նրա վստահելիությունը և գործունեության օրինական լինելը: Կարդացեք դրանից օգտվողների կարծիքները: 
• Եթե անսպասելի առաջարկ եք ստացել հեղինակավոր կազմակերպության անունից և առաջարկված գործարքը կասկածելի է թվում գտեք այդ կազմակերպության կոնտակտային տվյալները և անմիջապես դիմեք այդ կազմակերպությանը՝ պարզելու կազմակերպությունը կատարում է, արդյո՞ք, այդպիսի առաջարկներ, թե ոչ: 
• Ձեր բանկից Իրավաբանական անձ է, որը տրված լիցենզիայի հիման վրա ներգրավում է ավանդներ և իր անունից և ռիսկով տեղեբաշխում է դրանք վարկեր, ավանդներ, դեպոզիտներ: կասկածելի առաջարկ ստանալու դեպքում կապ հաստատեք ձեր բանկի հետ` պարզելու, արդյո՞ք, առաջարկը հավաստի է, թե ոչ: Ստուգեք նաև էլեկտրոնային հասցեն` հասկանալու, արդյո՞ք, նա պաշտոնական է, թե բացված է որևէ համընդհանուր էլեկտրոնային հասցեից, օր.` /mail.ru, yahoo.com/: Որպես կանոն վստահելի և հեղինակավոր կազմակերպությունները ունենում են իրենց կազմակերպության անունով պաշտոնական հասցեներ, օր.` cba.am, gov.am.

Վճարային քարտով  և ինտերնետային միջավայրում գործարքներ կատարելիս պահպանեք որոշ անվտանգության կանոններ:

• Վճարային քարտերով վճարումներ կատարելիս համոզվե՛ք, որ քարտի
  Պին կոդը Բանկի կողմից վճարային քարտի տրամադրման ժամանակ քարտատիրոջը տրամադրվող գաղտնի կոդ, որն անհրաժեշտ է մուտքագրել բանկոմատից կամ էլեկտրոնային տերմինալից գործառնություններ իրականացնելու ժամանակ: մուտքագրելիս այն ոչ ոք չի տեսնում: Գործարքի ընթացքում ձեր տեսադաշտում պահեք քարտը` համոզված լինելու համար, որ ձեր քարտով այլ չարտոնված գործողություն չի կատարվում: 
• Մի՛ հայտնեք ձեր քարտի պին կոդը խանութի աշխատակցին կամ որևէ այլ անձի` նույնիսկ բանկի աշխատողին: 
• Ոչ ոքի մի հայտնե՛ք ձեր բանկային գաղտնաբառը` բացառությամբ անվտանգ հեռախոսակապով բանկի հետ հեռախոսազրույցի ժամանակ, երբ բանկի աշխատակիցը նույնականացնում է այն` ձեր գործարքը կատարելու համար։