Ամանորը սպասված տոն է՝ շատերիս մոտ այն ասոցացվում է հրաշքների ու կախարդանքի, ընտանիքի ու ընկերների հետ ժամանակ անցկացնելու հետ: Բայց այս ամենին զուգահեռ Ամանորը ենթադրում է մեծ ծախսեր, որոնց պետք է նախապատրաստվել: Նոյեմբեր ամսվա երկրորդ կեսից խանութների մեծ մասում հայտնվում են ամանորյա զարդարանքներ, տոնական սպասք, տարարտեսակ մոմեր և ամանորյա լույսեր, ինչպես նաև հատուկ տուփեր, որոնք լի են ամանորյա կոնֆետներով, թեյերով և թխվածքաբլիթներով: Իսկ մարքեթոլոգների շնորհիվ այդ շարքին են միանում ձեր սիրելի ամանորյա երաժշտությունը, եղևնու և մանդարինի հոտը, մանկության հերոսները՝ Ձմեռ պապն ու Ձյունանուշը: Այս ամենը միասին ստեղծում են տոնի և երջանկության զգացողություն՝ դրդելով կատարել չպլանավորված գնումներ: Չպլանավորված և իմպուլսիվ գնումների մասին ավելի մանրամասն կարող եք կարդալ այս հոդվածում:Կազմե՛ք գնումների ցուցակ Հավանաբար հայտնվել եք  իրավիճակում, երբ տոնից 3 օր առաջ հանկարծակի հիշել  եք, որ մոռացել եք ընկերներից մեկի համար նվեր գնել և ստիպված եք արագ որևէ բան գտնել՝ ոչ միշտ էժան, ոչ միշտ հաջող: Ուստի, կազմե՛ք այն մարդկանց ցուցակը, որոնց ուզում եք նվերներ տալ, գրե՛ք մոտավոր ինչքան գումար եք պատրաստ ծախսելու յուրաքանչյուր նվերի համար: Սա կօգնի կառավարել ծախսերը, սահմանել բյուջեն և իհարկե խնայել ժամանակ:
Բյուջեի վաղ պլանավորումը թույլ կտա խնայել միջինում 20%: Գնումները նախապես կատարելու համար կարող եք օգտագործել հետևյալ 3 տարբերակները.

Գնե՛ք նախապես

Նախապես կազմեք մոտավոր մենյու և սկսեք  ավելի էժան գներով  գնել մթերքներ, որոնք երկարաժամկետ պահպանման են և շուտ չեն փչանա: Օրինակ՝ ոլոռ, եգիպտացորեն, ծովախեցգետնի ձողիկներ, ձիթապտուղ, ինչպես նաև ալկոհոլ, հյութեր, գազավորված ըմպելիքներ:

Փորձը ցույց է տվել, որ անհրաժեշտ ապրանքների  ցուցակ կազմելը և այն օգտագործելը կրճատում է ծախսերը 25-30%- ով, քանի որ ցուցակ ունենալու դեպքում իմպուլսիվ գնումներ կատարելու ռիսկերը հավասարվում են զրոյի:

Հիշե՛ք ոսկե կանոնը. Գնե՛ք միայն այն ինչը կգնեիք անգամ եթե չգործեր զեղչ: 

Փոխարինե՛ք բնական եղևնին արհեստականով

Բնական եղևնիները սովորաբար շատ թանկ են, իսկ արհեստականներն էլ վատ տեսք չունեն: Արհեստական եղևնիները  կարող եք օգտագործել մի քանի տարի: Դրանք հավելյալ խնամքի, անընդհատ մաքրելու կարիք չունեն: Իսկ բնական եղևնու բույր կարող եք ապահովել հոտավետ մոմերի, եթերային յուղերի միջոցով: Այսպես դուք նաև կնպաստեք հատվող եղևնիների նվազմանը և կխնայեք բավականին մեծ գումար, որը պիտի ծախսեիք մեկանգամյա օգտագործման եղևնու գնման վրա:  

Կարևոր է, որ ամանորյա հրաշքին պատրաստվելիս չմոռանաք հոգ տանել ձեր ֆիզիկական և հոգեկան  առողջության մասին:

Մաղթում ենք ֆինանասպես բարեկեցիկ և հաջողակ տարի: